Masjidka Tawfiiq

 

Shahaado aad dooneyso in laguu aqoonsado Hadaad dooneyso dugsi hoose/dhexe Hadaad dooneyso dugsi sare Hadaad dooneyso realkompetanse Jaamacadaha iyo høgskole-da Talo iyo tusaale

 

Taariikhda Masjidka Tawfiiq Mashruuca Masjid dhisida Guddiga Masjidka Tawfiiq Nala soo xiriir

 

Boqolsoon.com Masaajidka Khaalid Masaajidka Shaafici Somali Islamic School Cadaani.net [bogga Sh. Cadaani] Islamway Sultan.org QuranWay ka baro Quraanka Hanuun.com Bogga Axaadiista Aflax.net

 

Qeybtaan waxaad ka helaysaa qaabka loo qorto arjiyada iyo CV-yada shaqa- da. Guji halkaan

Wax ka baro Norway

"Aqoon la’aani waa iftiin la’aan” waa halkudhig xanbaarsan macno weyn oo sheegaya qiimaha ay aqoontu u leedahay nolosha aademiga.

Hadaba halkan waxaan ugu soo gudbinaynaa dadka Somaliyeed ee jecel inay wax ka bartaan Norway, akhbaar kooban oo ku saabsan waxbarashada dalkan. Qofkaan reer Norway aheyn waxaa laga yaabaa inuu fahmi waayo kelmado badan oo aan qoraalkan u isticmaali doono.

In laguu aqoonsado shahaado aad dibada kala timid?

Hadii aad heysato shahaado, oo aad doonayso in laguu aqoonsado waxbarasho jaamacadeed ama machad sare oo aad Norway dibadeeda kala timid, waxay qaadanay kartaa wakhti dheer. Sidaa darteed waa inaad wakhti hore codsataa in laguu ictiraafo shahaadaada kuna tala gashaa inaad wakhti sugeydsid.
Xafiisyo badan ayaa aqoonsada shahaadooyinka dibada lagala yimaado, kuwo ka mida ayaan hoos ku xusaynaa iyo labo qaab oo shahaadooyinka loo aqoonsado.

Faglig godkjenning

Hadii aad doonayso in laguu ictiraafo shahaadadaada qaab ah "faglig godkjenning" waxaad u baahan tahay inaad la xiriirto høgskole ama jaamacad bixisa maadooyinka aad horay usoo baratay oo kale. Taas macnaheeda waxaa weeye inaad baarto jaamcadaha/høgskole-da kuwa baxsha maadoyinka aad shahaadadooda wadato oo kale. Dadka shaqadaas qabanaya waxay kaa doonayaan faahfaahin ku saabsan koorsooyinka aad soo dhigatay, manhajka aad wax kusoo dhigatay (pensum) iyo shahaado.
Generell godkjenning
Hadaad doonayso aqoonsi guud inaad u hesho waxbarashaadaadi ama shahaadadaadi hore, waxaad la xiriiri kartaa NOKUT (Nasjonalt organ for kvalitet i utdanningen). Xattaa hadii waxbarashadii hore aadan soo dhamaystirin oo ay dhex kaaga kala go'day, waad la xiriiri kartaa NOKUT. Arji gaara ayay leeyihiin, faahfaahin dheerada waxaad ka heli kartaa boggooda hoos ku qoran. Hadii NOKUT ay shahaadada kuu aqoonsadaan waxbarasho ama shaqo sare ayaad ku dalban kartaa. Hadaad doonayso inaad u tagto cinwaankooda waa sidan:

Adresse:
NOKUT
Kronprinsens gate 9
Postboks 1708 Vika
0121 OSLO
Tel: 21 02 18 60 (man-tors kl 12-15)
Web: www.nokut.no
Epost: postmottak@nokut.no

Aqoonsi shahaado dugsi sare ee dibada ka timid
Sidoo kale shahaado dugsi sare waa laguu aqoonsan karaa hadaad waraaqo cadaynaya la timaado. Bogga NOKUT ayaad faahfaahin dheeraada kasii heli kartaa. Sidoo kale Samordne opptak way kuu qiimeyn karaan shahaadadaada dugsiga sare, oo maadoyinka kaa dhiman ama lagaa dhaafi karo ayay kuu sheegi karaan. La xiriir Samordna opptak www.so.uio.no

Hadii aan shahaado ama wax cadeyn ah wadan, cilmi badana aan leeyahay maxaan yeelaa?
Su,aal wanaagsan weeye, laakin cilmigaagu ma yahay mid aad si wanaagsan u xasuusato mise qaxii ayaad ku hilmaamtay?
Hadii aad hilmaamtay cilmigaagi, bal marka hore soo cesho aqoontaadi. Laakin hadii aad si fiican u xasuusta aqoontaadi hore wax shahaado ahna aadan heysan, hadaba waxaad heysataa fursad laguugu ictiraafi karo aqoontaada. Aqoontaas waxaay noqon kartaa mid dugsi hoose/dhex ama mid dugsi sare. Arintaan oo faahfaahsan waxaan kaga hadlay qeybta la yiraahdo realkompetansevurdering ee guji halkaan.

Hadaad doonayso Dugsi hoose/dhexe (grunnskole)

Dadka waa weyn ee jecel inay dhigtaan grunnskole, waxay ku qaadan karaan 1,2 ama 3 sano, marba sidaad u dadaasho. Hadaad doonto maalintii ayaad dhigan kartaa ama habeenkii marba sida ku haboon duruuftaada. Grunnskole waxaad ka helaysaa shahaadadii aad ku gali laheyd dugsiga sare (videregående skole). Maadooyinkiisuna waa 5-maado oo kala ah:
Norsk
Engelsk
Matematikk
Naturfag
Samfunnsfag
Hadii aad maadooyinkaan shanta ah horay usoo baratay ama qaar ka mida garanayso oo aadan heysan cadeyn uma baahnid inaad qaadato mar labaad. Balse waxaad la xiriiri kartaa qoloda qaabilsan realkompetansevurdering. Kuwaas oo aad u muujinayso aqoonta aad u leedahay maadooyinkaas.Hadaad doonayso faahfaahin dheeraada ee ku saabsan realkompetansevurdering guji halkaan
 Grunnskole-da Oslo waxaad ka heli kartaa labadaan meelood:
Smedstua voksenopplæringssenter
iskuulkaan habeen iyo maalinba waa heli kartaa, la xiriir iskuulka. Arjiga codsiga ah iyagaa kuu soo diraya. Dadka soo codsada waxaa loogu yeerayaa imtixaan iyo waraysi. Xilliga ugu danbeeya (frist) arji qabashada waa 1. april

Adresse:
Smedstua voksenopplæringssenter
Smiuvegen 225, 0982 Oslo (Stovner)
Telefon: 22 79 06 20
Web: www.vo-smedstua.oslo.no


Karlsrud voksenopplæringssenter
Iskuulkaana sidoo kale habeen iyo maalinba waa la dhigtaa.La xiriir iskuulka, xilliga arji qabashada ugu danbaysa waa 1. april.

Adresse:
Karlsrud voksenopplæringssenter
Avdeling for språklige minoriteter
Olaf Helsetsvei 5, 0694 Oslo (Skullerud)
Telefon: 22 76 96 00
Web: www.vo-karlsrud.oslo.no

Waxaa kaloo xusid mudan in dadka waa weyn ee dhiganaya grunnskole ay dalban karaan deyn iyo deeq (Lån og stipend). Deynta iyo deeqdu waxa ay kala yihiin iyo diinta waxay ka tiri mowduuc gaara ayaan uga hadli doonaa insha Allah. Sidoo kale meesha talo iyo tusaale ee kor ku qoran waxaad ka heli kartaa akhbaar faa'iido leh ee ku saabsan labadaas.

Hadaad doonayso Dugsi sare (Videregående skole)

Sidoo kale dadka waaweyn waxay dalban karaan dugsi sare, si ay u helaan shahaado ay ku galaan jaamcad ama høyskole. Akhbaar faahfaahsan waxaad ka heli kartaa boggaan
www.vo-oslovo.oslo.no
Shahaadadaas waxaa loo yaqaan studiekompetanse. Dadka waa weyn waxay ku heli karaan studiekompetanse 6-da maado ee hoos ku qoran:
  • Norsk 14 timer
  • Engelsk 5 timer
  • Matematikk 5 timer
  • Naturfag 5 timer
  • Nyere historie 4 timer
  • Samfunnslære 2 timer

    • 6-daan maado waa kuwa loo yaqaan allmenne, økonomisk og administrative fag. Si aad shahaado u hesho waa inaad heshaa buundo ah 2 ama ka fiican. Laakin ogow in jaamacad/høyskole walba ay leeyihiin shuruudo u gaara xagga buundooyinka.

    Iskuulada baxsha maadooyinka dugisga sare waxaay iskugu jiraan kuwo lacag ah iyo kuwo lacag la,aan ah. Kuwa lacagta ah waa Folkeuniversitet ama NKI fjernundervisning. Kuwa lacag la,aanta ahna waxaa ka mida:
    Sinsen voksenopplæring

    Adresse:
    Lørenveien 11
    0585 Oslo
    Skolens elevkontor er åpent daglig mellom
    kl. 10 - 12 og kl. 16 - 18 (ikke fredag)
    for personlig frammøte. Tel 23 46 67 00
    Postadresse:
    Oslo Voksenopplæring
    Postboks 484, Økern
    0512 Oslo
    Epost: postmottak.oslovo@vgs.skoleetaten.oslo.no
    Web: www.vo-oslovo.oslo.no

    Stabekk voksenopplæring

    Adresse:
    Postboks 100, 1321 Stabekk
    Web: www.stabekk.vgs.no

    Ogow sidoo kale inaad dugsi saraha dadka waa weyn ku dalban karto deyn iyo deeq (Lån og stipend). Deynta iyo deeqda waxa ay yihiin diin ahaan iyo talo ahaan waxaa ka akhrin kartaa meesha sare ay ku qoran tahay talo iyo tusaale.

    Hadaad doonayso in cilmi aad cadeyn u haysan laguu qiimeeyo (Realkompetansevurdering)

    Realkompetansevurdering waa waxa qof weyn uu kusoo bartay iskuul, shaqo, gurigiisa, xiligiisa firaaqada ama meel kale oo cilmi ah.
    Waliba arintaan waxay aad faa'iido ugu leedahay shakhsiga kusoo dhigtay Somalia jaamacad, machad, dugsi sare ama dugsi hoose/dhexe, shakhsigaas oo hadana xasuusta waxa uu soo bartay. Hadii aad tahay shakhsi aqoontaas leh, waxaad codsan kartaa in laguu qiimeeyo aqoontaada, kadibna shahaado lagu siiyo. Shahaadadaas waxay cadaynaysaa inaad aqoontaas leedahay. Taasna waxay kuu sahli kartaa inaad gasho dugsi sare (videregående skole), hadii aqoontaadu heer dugsi sare tahay.

    Hadaad 25 sano ka weyn tahay aqoontaaduna tahay mid ka saraysa ama u dhigmata dugsi sare, waxaad ku codsan kartaa ictiraafka lagu siiyo jaamacad ama høyskole baxsha aqoontaas, adigoo dugsi hoose iyo mid sareba dalkaan ka dhigan.
    Laakin arintu sidaa uma sahlana ee waa inaad tahay shakhsi aqoontaas aad u yaqaan. Waayo imtixaan hadal iyo ficil (teori & praksis) ah ayaa lagaa qaadayaa. Midaas waxay u baahan tahay inaad tahay shaksi isku kalsoon inuu cilmigaas leeyahay. Ee ma tahay shakhsi noocaas ah?

    Haa shakhsi aqoon leh walina xasuusta ayaan ahay, ee sidee ictiraaf ku helaa?
    Marka hore inta aadan aqoonsiga codsan waa inaad si hagaagsan u qortaa waxa aad aqoonta u leedahay. Dhowr qaab ayuu qofku u cadayn karaa aqoontiisa. Qaabka ugu sahlan waa inaad CV qorto. CV-ga qaabka loo qoro waxaan uga hadalnay qeybta shaqo codsiga waxaaana ka gali kartaa halkaan.
    Ujeedada loo sameeyay realkompetansevurdering waa inuusan qofku mar labaad ku noqon wax uu horay usoo bartay. Adiga ayaa dooranaya waxa aad dooneyso in laguu qiimeeyo. Sida caadiga ah waxaa la qiimeeyaa maadooyinka ah xisaabta, sayniska, fiisikiska,af-ingiriiska, af-norwiijiga iwm. Waxaana laguugu qiimeyn karaa heer la siman dugsiga sare ama midka hoose/dhexe Waxaana howshaas qaabilsan Oslo voksenopplæring cinwaankoodu hoos ayuu ku qoran yahay. Hadii aad dugsi sare horay soo dhigatay, waa lacag in laguu qiimeeyo aqoontaadi hore. Hadii aadan dugsi sare soo dhigan waa lacag, la'aan. Laakin waa la badali karaa, ee akhbaar faahfaahsan iyo qiimaha saxda ah kala xiriir cinwaanka hoose.

    Adresse:
    Lørenveien 11
    0585 Oslo
    Postadresse:
    Oslo Voksenopplæring
    Postboks 484, Økern
    0512 Oslo
    Telefon: 23 46 67 00 (kl 1200 - 1500)
    Epost: postmottak.oslovo@vgs.skoleetaten.oslo.no
    Web: www.vo-oslovo.oslo.no

    Hadaad doonayso Universitet ama høyskole

    Waxaa jira book kasoo baxa aetat (xafiisyada shaqada) oo la yiraahdo "Mer utdanning?". Buugan wuxuu ku siin akhbaar faahfaahsan oo ku saabsan waxbarashada Norway sida, dugsi sare, høyskole-da ama jaamacadaha dalka oo dhan ku yaal. Buugan waxaad ka heli kartaa bogga aetat ee Internett-ka halkaan. Hadaad doonayso in laguugu soo diro gurigaaga la xiriir aetat. Waxaadna heli kartaa isagoo english ku qoran "More Education?"
    Sidoo kale bogga NOKUT waxaad ka heli kartaa nidaamka waxbarashada sare ee Norway iyo linkiyo kuu gudbinaya jaamacadha iyo høyskola-da dalkaan.

    Shuruudo:
    Intaadan waxbarashada sare codsan waa inaad hubsataa shuruudaha lagu galo jaamacad ama høyskole inaad buuxinayso. Shuruudahaas waa kuwaan kor kusoo faahfaahinay, iyagoo koobana waa sidan:

  • Shahaado dugsi sare dalkaan ah.(Kor ayaan kusoo xusnay)
  • Shahaado dibada ka timid oo la ictiraafay.(Kor ayaan kusoo xusnay)
  • Shuruud khaas u ah meelaha qaarkood, tusaale ahaan hadaad dooneyso caafimad waa inaad heysataa xisaab, kimistari iyo fiisigis badan iyo buundooyin sareeya. Laakin la xiriir jaamacada ama høyskole-ha aad dooneyso akhbaar faahfaahsan ayaad ka helaysaa.
  • Realkompetanse (Kor ayaan kusoo xusnay).
  • Imtixaan luuqadeed norsk iyo engelsk hadii waxbarashadaadu dibada tahay

    Jaamcadaha iyo høyskole-da
    Sanad dugsiyeedkii 2003 ayaa lasoo rogay darajooyin cusub oo ku saabsan waxbarashada sare. Darajada loo yaqaan Bachelor waa 3-sano, waxeeyna bedeshay darajadii loo aqoon jiray cand.mag.-grad. Kadib qofku wuxuu dalban karaa Master-grad waana 2-sano. Markaa kadib ayuu qofku sii dalban karaa PhD-studier, taasoo qaadan karta 3-sano. Faahfaahin dheeraada waxaad kasii akhrin kartaa wasaarada waxbarashada
    Waxbarashada jaamadacadaha waxay ka helaysaa waxa loo yaqaan akademisk grad. Mida høyskole-duna waxaad ka helaysaa waxa loo yaqaan "Profesjonsutdanning" oo ah xirfad aqooneed.
    Waxbarashada 1-sano ah ee xilliga buuxa la dhigto (heltid) waxaa lagugu siinayaa 60 poeng loo yaqaan "Studiepoeng". Studiepoeng høyskolada iyo jaamacadaha waa la isku dhafi karaa. Qaabka buundooyinku waa (A, B, C, D, E iyo F), A ayaa ugu saraysa, E waa baasida ugu danbaysa.F waa lagu dhacaa. Høyskolo badankood waa kuwo dowladeed, waana bilaash. Qofku wuxuu iska bixin kaliya lacagta loo yaqaan "samesteravgift" waana in ka yar 1500 kroner sanadkoo dhan. Waxaa kaloo jira høyskolo privat ah, kuwaas waa lacag, waana qaali, laakin darajo iyo heer ahaan waxay la siman yihiin kuwa dowladda. Kuwaan privat-ka ah waxaa ka mida qaar baxhsa waxbarasho gaaban oo aan la isku siin darajo sare. Faahfaahin dheeraada kala xiriir iskuuladaas waxaa ka mida IKT, IT-akademie iyo kuwo kale.
    Codsi jaamacad/høyskole
    Jaamacadaha iyo høyskolada waxaa la codsadaa sanadkii mar. Xiligga ugu danbeeya ee la codsado waa 1. mars sanad walba, hadaad dibada wax kusoo baratay, ama 15. april hadii aad wax ku baratay Norway. Arjiyada dalkoo dhan waxaa loo diraa Samordna opptak, iyaga ayaana faahfaahin dheeraada ka heli kartaa, cinwankooda kor ayaan kusoo xusnay.
    Wixii faahfaahin intaa ka baxsan ah, la xiriir jaamacada ama høyskol-ka aad dooneyso. hoos waxaa ku qoran cinwaano jaamacado iyo høyskole badan.
    Hadaad dooneyso dad Soomaliyeed waxbartay ama waxbarta inaad wareysato waxaad la xiriiri kartaa ururka ardeyda Soomaliyeed (Somalisk Studentforening), oo aad mindhaa ka heli karto qof barta waxa aad dooneyso inaad barato, akhbaar fiicana ku siin kara. email ayaad u diri kartaa, taasoo xubnaha ururkoo dhami akhrisan karaan, kadibna waxaa dhici karta qof ka mida inuu kaaga soo jawaabo. emailkooda waa Ssaf-mail@studorg.uio.no.
    Ururku sanad walba shir ayuu qabtaa inta arjiyada jaamacadaha ama høyskolada loo dirin. Shirkaas waxaa looga hadlaa waxbarashada dalkaan. Markaad jaamacad ama høyskole bilowdana xubin ayaad ka noqon kartaa ururka ardayda Soomaliyeed ee Norway.

    Linkiyo
    Universitetet i Oslo
    Universitetet i Bergen
    Universitetet i Tromsø
    Universitetet i Trondheim
    Norges Landbrukshøyskole
    Arkitekthøgskolen i Oslo
    Høgskolen i Oslo
    Norges veterinærhøgskole
    Høgskolen i Akershus
    Høgskolen i Buskerud

    Talo iyo tusaale

    Baro luuqada dalkaan iyo dal kaste oo aad dooneyso inaad joogto muddo ama aad degto. Waayo luuqadu waa furaha kuu furaya albaabo badan oo kaa xirxiran markaad bulsho cusub lasoo daristo. Hadaad dooneyso inaad waxbarato waa muhiim inaad marka hore si fiican u barato luuqada aad wax ku baran doonto. Hadii kale wadadu meel dhexe ayey iska soo xiri doontaa. Luuqadaha muhiimka ah waa norsk iyo engelsk hadaad dooneyso inaad dalkan wax ka barato.

    Mukhtar Qoransay



    • Copyright © All rights reserved 2003 Lasoo xiriir: webmaster@tawfiiq.no